Um fyrirtækið

Það var Fjölnet ehf. sem hóf uppbyggingu ljósleiðaranets á Sauðárkróki um aldamótin síðustu. Á árunum þar á eftir lagði fyrirtækið ljósleiðara víðsvegar um Sauðárkrók, einkum á milli fyrirtækja, en lagði einnig í all mörg hús í Túnahverfi. Þeir voru stórhuga eigendur Fjölnets á þessum tíma.

Árið 2006 var ákveðið að skilja lagnahlutann frá annarri starfsemi Fjölnets og stofna veitufyrirtæki um rekstur og uppbyggingu á öflugu háhraðaneti í Skagafirði. Í upphaflegum áætlunum var gert ráð fyrir því að öll heimili á Sauðárkróki yrðu komin með tengdan ljósleiðara 2009/2010 en erfiðleikar í efnahagslífi þjóðarinnar hafa riðlað þeim tímamörkum og er útséð með að það takist strax. 

Undir tenglunum hér til vinstri er að finna nánari upplýsingar um fyrirtækið.