Heitavatnið hætt að renna úr holunni en kemur að hluta upp með fóðurrörinu.

Borinn "Benedikt" á holunni.

Skrúfað frá holunni eftir viðgerð.

Áhofn borsins "Benedikts" í verklok eftir velheppnaða viðgerð.

Fyrirséð var að kalt mundi verða í sundlauginni á Sólgörðum og í þeim húsum sem tengd eru veitunni við þessar aðstæður og þetta ástand ekki á vetur setjandi.

Eftir skoðun og vangaveltur starfsmanna ÍSOR var ákveðið að leita til Ræktunarsambands Flóa- og Skeiða um að þeir gerðu við holuna.

Ræktunarsambandsmenn komu svo núna í vikunni við í Fljótunum á leið sinni norður í Þingeyjarsýslu með borinn „Benedikt“ og drógu gömlu 4" fóðringuna upp og boruðu nýja 7" fóðringu niður í holuna og steyptu fasta.

Þetta tókst vel og telja menn að holan sem boruð var árið 1974 muni duga mörg ár enn, en eftir lagfæringu gaf hún um 4 l/sek af 67 °C heitu vatni sem dugar vel fyrir þau not sem þarna eru. Þrýstingur í holunni lokaðri reyndist um 1.0 bar.