Stykki sett í lögnina

Lögnin komin í sundur

Suðuvinnu að ljúka

Vegna byggingar nýja leikskólans Ársala hér í mýrunum á Sauðárkróki varð að breyta legu aðalstofnlagnar hitaveitunnar að neðrihluta bæjarins.

Stofnlögn hitaveitunnar var lögð fyrir rúmum 30 árum og var hæðarsett samkvæmt því skipulagi sem í gildi var á þeim tíma.

Við hönnun á leikskólanum kom í ljós að frárennsli svæðisins lenti í miðri stofnæðinni samkvæmt þeim hæðarkvótum sem fyrirhuguð byggð á svæðinu þarf að vera í.

Ekki var um annað að ræða en að síkka lögnina á um 5 metra kafla vegna þessa. Það tók starfsmenn veitunnar um 9 klukkustundir að ljúka verkinu og var heitavatnslaust til kl. 4.00 í morgun.