29.08.2017
Unnið við stíflu í Sauðárgili
Um helgina var unnið að lokafrágangi og tengingum á drenrörum í stíflunni í Sauðárgili. Undirbúningur fyrir framkvæmdina hefur staðið yfir í nokkurn tíma.
Möl af botni stíflunnar var mokað upp og lögð drenmöl í staðinn. Ofan á mölina voru síðan lögð drenrör og annað lag af möl ofan á rörin.
Síun á botni stíflunnar kemur í stað gamla vatnshússins eða síuhússins sem komið er til ára sinna og hefur því lokið hlutverki sínu fyrir Skagafjarðarveitur.
Vatni úr stíflunni er veitt að inntaksrými við vatnstanka á Gránumóum þar sem vatnið er síað að nýju með sandsíum og síðan geislað með útfjólubláu ljósi áður en það rennur inn á vatnstankana.
Framkvæmdin stuðlar að bættum gæðum og auknu afhendingaröryggi á neysluvatni á Sauðárkróki.
