26.10.2016
Svæði sem lokun nær til.
Í dag, miðvikudaginn 26. október, verður lokað fyrir kalda vatnið á Sauðárkróki sunnan og austan við Hegrabraut vegna vinnu við stofnlögn. Lokunin afmarkast af Hegrabraut, Skagfirðingabraut, Borgargerði og Strandvegi eins og sjá má á meðfylgjandi mynd. Þá nær lokunin einnig til Árskóla ásamt heimavist og Verknámshúss FNV.
Lokað verður fyrir rennslið seinni partinn í dag og fram á nótt. Truflanir gætu orðið á vatnsrennsli á öðrum svæðum bæjarins samhliða þessari lokun.
Beðist er velvirðingar á þeim óþægindum sem þetta kann að valda.
