Fréttir

Breytt gjaldskrá fyrir hitaveitu mun taka gildi 1. október nk.

Árið 2014 hófu Skagafjarðarveitur mælavæðingu í þéttbýliskjörnum sveitarfélagsins. Verkið hófst á útskiptingu eldri mæla á Hofsósi og Hólum en á þeim stöðum hefur heitt vatn verið selt skv. mæli frá upphafi. Síðustu vikur hefur verið unnið að uppsetningu mæla í Varmahlíð og er það verk langt komið. Á næstu vikum hefst uppsetning mæla á Sauðárkróki, þar sem byrjað verður á Hlíðar- og Túnahverfi. Áætlað er að setja upp um 400 mæla á Sauðárkróki ár hvert og að verkinu verði lokið fyrir árslok 2017.

Vegna viðgerðar á stofnæð þarf að loka fyrir heita vatnið í neðri bænum sunnudaginn 19.apríl frá kl 8:00 Aðeins er um neðri bæinn að ræða, Hlíða- og Túnahverfi munu ekki lenda í lokuninni.