Fréttir

Nú er búið að loka sundlaugunum í Varmahlíð og á Sauðárkróki og lækka rennsli á íþróttavöllum. Einnig hafa fyrirtæki með mikla notkun verið beðin að spara heita vatnið eftir bestu getu. Það dugar þó ekki til og hér koma nokkur sparnaðarráð til heimila og fyrirtækja í kuldatíð.

Í þeim kulda og snjóleysi sem nú ríkir er notkun heita vatnsins í hámarki. Skagafjarðarveitur beina þeim tilmælum til viðskiptavina sinna að spara heita vatnið eftir bestu getu, til dæmis með því að lækka stillingar á heitavatnspotttum og plönum sem nota ekki afallsvatn.

Vegna vinnu við lagnir í Nestúni verður lokað fyrir hitaveitu í Iðutúni, Jöklatúni og öllum götum þar fyrir ofan klukkan 10. Hlíðahverfi mun detta út í eina til tvær klst. Skagafjarðarveitur biðjast velvirðingar á óþægindum sem þetta kann að valda.