Fréttir

Á mánudaginn 20. apríl kl. 13:30 verður gert við bilun í dælustöð í Varmahlíð og verður heitavatnslaust í stutta stund í Varmahlíðarhverfinu neðan Norðurbrúnar, í Hólminum og í Blönduhlíð. Í Norðurbrún, Birkimel og iðnaðarsvæðinu sunnan Varmahlíðar má búast við lokun í 2-4 tíma.

Þar sem varahluti vantar verður ekki hægt að gera við bilun í dælustöð í Varmahlíð fyrr en eftir helgi. Tilkynnt verður þegar ráðist verður í verkið.

Bilun er í kalda vatninu við Skagfirðingabraut. Viðgerð er hafin og búast má við truflunum og jafnvel vatnsleysi frá og með Öldustíg að Skagfirðingabraut 33 og sömuleiðis frá Öldustíg að Hólavegi 4. eins og sjá má á meðfylgjandi mynd.

Enn gengur hægt að fylla neysluvatnstankinn í Varmahlíð og eru notendur þar beðnir að spara kalda vatnið sem mest þeir geta næstu daga. Skagafjarðarveitur þakka góð viðbrögð

Í gær bilaði hæðarskynjari í vatnstanki fyrir Varmahlíð, sem varð til þess að tankurinn tæmdist. Vegna lágrar vatnsstöðu í vatnsbólum gengur hægt að fylla tankinn og eru íbúar því beðnir að fara sparlega með kalda vatnið næstu daga. Sundlaugin verður lokuð til morguns að minnsta kosti.