Fréttir

Enn gengur hægt að fylla neysluvatnstankinn í Varmahlíð og eru notendur þar beðnir að spara kalda vatnið sem mest þeir geta næstu daga. Skagafjarðarveitur þakka góð viðbrögð

Í gær bilaði hæðarskynjari í vatnstanki fyrir Varmahlíð, sem varð til þess að tankurinn tæmdist. Vegna lágrar vatnsstöðu í vatnsbólum gengur hægt að fylla tankinn og eru íbúar því beðnir að fara sparlega með kalda vatnið næstu daga. Sundlaugin verður lokuð til morguns að minnsta kosti.

Búið er að finna bilunina, en ljóst er að taka mun langan tíma að fylla tankinn og ná upp þrýstingi og hefur sundlauginni því verið lokað í bili. Íbúar sem enn hafa kalt vatn eru hvattir til að spara það í dag.

Komin er upp bilun við kaldavatnstank í Varmahlíð og er því víða orðið kaldavatnslaust í hverfinu. Unnið er að því að finna bilunina og í framhaldi að koma á vatni sem allra fyrst.

Ekki tókst að ljúka viðgerð í gær og því verða truflanir/lokanir í hitaveitu á Hofsósi fyrir hádegið í dag, fimmtudag 22. jan. Svæðið sem um ræðir er Kárastígur, Bakkinn og Plássið að hluta eða öllu leiti.