Fréttir

Ekki tókst að ljúka viðgerð í gær og því verða truflanir/lokanir í hitaveitu á Hofsósi fyrir hádegið í dag, fimmtudag 22. jan. Svæðið sem um ræðir er Kárastígur, Bakkinn og Plássið að hluta eða öllu leiti.

Vegna viðgerða verða truflanir/lokanir í hitaveitu á Hofsósi eftir hádegið í dag, miðvikudag 21. jan. Svæðið sem um ræðir er Kárastígur, Bakkinn og Plássið að hluta eða öllu leiti.

Skagafjarðarveitur luku vorið 2025 við umfangsmiklar framkvæmdir við að skipta út hemlum og mælavæða hitaveituna á Sauðárkróki. Urðu þá allir þéttbýliskjarnar í Skagafirði mælavæddir. Hafist var handa við mælavæðingu í dreifbýli sl. haust og byrjað á notendum milli Sauðárkróks og Varmahlíðar. Samhliða var hemlum sem bilaðir voru skipt út. Gert er ráð fyrir að framkvæmdir haldi síðan áfram austur á bóginn og fram í Lýdó.

Vegna bilunar í heimæð verður kaldavatnslaust á Grundarstíg, Hólmagrund og Smáragrund. Viðgerð stendur yfir og vatni verður hleypt á um leið og hægt er.

Fimmtudaginn 4. des. verður heitavatnslaust frá kl. 9:00 í öllu Hlíðahverfi vegna endurbóta í dælustöð 2 og dælustöð 3. Líklega aðeins 30 – 40 mínútur í flestum götum, en í Barmahlíð og Háuhlíð verður vatnslaust fram eftir degi í vegna breytinga og endurnýjunar á búnaði í dælustöðinni í Víðihlíð. Íbúar eru hvattir til að huga að húskerfum og krönum vegna þessa. Skagafjarðarveitur biðjast velvirðingar á þeim óþægindum sem þetta kann að valda.