29.10.2015
Mánudaginn 26. október sl. var heitu vatni hleypt á stofnlögn í Fljótum, frá dælustöð í landi Langhúsa og að dælustöð við Molastaði, samtals um 8km leið.
Í dag, fimmtudaginn 29. október var hleypt vatni á stofnlögn frá Molastöðum og að Hvammi, samtals um 3,3km leið. Á næstu dögum er stefnt að áhleypingu að enda stofnlagnar við Depla og verður þá búið að hleypa vatni á alla stofnlögnina, samtals rúmlega 18km.
Verktaki vinnur þessa dagana að lagningu heimæða og verða væntanlega einhverjir notendur farnir að njóta heita vatnsins fyrir áramót.
Gunnar Björn Rögnvaldsson ræsir dæluna í dæluhúsi við Langhús
