Þann fyrsta febrúar s.l. hækkaði gjaldskrá Skagafjarðarveitna vegna sölu á heitu vatni um 5%. Einnig hækkuðu föst gjöld vegna mæla og hemla um 5%. Tengigjöld hækkuðu ekki.
Gjöldin sem hækkuðu að þessu sinni hafa hækkað um alls 3,5% síðan í júlí 2013. Á sama tíma hefur vísitala neysluverðs hækkað um 8,3%, byggingavísitala um 13,8% og launavísitala um 37,8%.
Hér má sjá þróun gjaldskrár hitaveitu miðað við helstu vísitölur frá árinu 2005.
Nýja veitan í Fljótum.
Gjaldskrá hitaveitu í Fljótum hefur hingað til miðast við orkuinnihald vatns frá Varmahlíðarveitu.
Þar sem komið er jafnvægi á veituna frá Langhúsum tekur gjaldskráin nú mið af raun-orkuinnihaldi vatnsins miðað við hitastig þess og er verðið pr. m3 kr. 165,69.
Síðar á þessu ári mun sá hluti Fljóta-veitu sem tengdur er borholunni við Sólgarða tengjast inn á nýja borholu við Langhús og mun þá gjaldskráin á þeim legg breytast til samræmis við það.